Manteision cofnodi EID

Mae system adnabod EID yn rhoi cyfle i wella rheolaeth a chynhyrchedd ar y fferm trwy adael i chi gasglu gwybodaeth yn fwy cywir a haws o lawer nag y gallwch trwy gofnodi gwybodaeth ar bapur.

Mae hyn yn golygu y gallwch nodi’n haws y defaid hynny sy’n gwneud y cyfraniad mwyaf at incwm a phroffidioldeb eich fferm, a’r rhai hynny sy’n gostus i chi eu cadw.

• Wella’r broses o ddewis stoc ar gyfer bridio.
• Gwella’r broses o ddewis stoc ar gyfer eu lladd.
• Galluogi defnydd mwy effeithiol o feddyginiaethau milfeddygol, gan arwain yn y pen draw at well iechyd yn y praidd.
• Eich galluogi i gyflawni arbedion maint trwy reoli praidd mwy, yn ogystal â’r gallu i asesu perfformiad anifeiliaid unigol.
• Eich galluogi i gofnodi gwybodaeth ychwanegol, er enghraifft perfformiad ŵyn o wahanol rannau o’ch fferm. Gall hyn eich helpu i amlygu tir pori lle mae defaid yn perfformio’n wael. Fe all hefyd helpu eich cynlluniau ailhadu a chynorthwyo i leihau dibyniaeth ar fwydydd anifeiliaid sy’n cael eu prynu.
• Lleihau gwastraff ac arbed arian ar waredu gwastraff.
• Cynnig cyfle i chi rannu gwybodaeth yn haws gyda’ch milfeddygon er mwyn iddynt gael dealltwriaeth well o anghenion iechyd eich praidd.
• Cynnig y potensial i ddefnyddio gwybodaeth i farchnata eich stoc yn well.